عينى عليك باردة ............

- مش غيرة ولاحسد ... بس مبسوط منك ومتكيف .
مش فارقة معاك ولاحامل هم طابور عيش ولاأزمة انابيب ولازحمة مواصلات ....
-مش عاوز علاوة ولا كادر ولا حوافز اثابة ولاحد أدنى للاجور .
وعمرك ماطالبت بعدالة توزيع الدخول
ولا أتهمت حد بالفساد ولابتسرق فى حقوق العباد .
- غير مقيد بجداول الانتخابات وموفر صوتك وحنجرتك لمزاجك الخاص تنهق كيفما تشاء ووقتما تريد .
مكبر دماغك ومزاجك ده عال .
صحة وفتوة وفحولة وامكانيات يحسدك عليها اقوى واعتى الرجال .
عنتر زمانك من غير فيتامينات ولامقويات ولاكريمات .
لايهمك غفير ولاسفير ولاوزير ...مكافح وصابر وراضى وعقلك كبير .
وقال أيه... البنى آدم لما يحب يشتم حد أو يهينه
يقول له : ياحمار
مع الاعتذار ؟؟؟؟؟؟؟
دا احنا اللى حمير !!!!!!!